கருணை உத்தமர் கடவுளானார்

எல்லாக் குறையும் தவிர்த்தேன்உன் இன்னருள் எய்தினன்நான்

வல்லாரின் வல்லவன் ஆனேன் கருணை மருந்தருந்தி 

நல்லார் எவர்க்கும் உபகரிப் பான்இங்கு நண்ணுகின்றேன் 

கொல்லா விரதத்தில் என்னைக் குறிக்கொண்ட கோலத்தனே.

மனிதபிறவியின் செயலும் பயனும்

காலையிலே என்றனக்கே கிடைத்தபெரும் பொருளே
களிப்பேஎன் கருத்தகத்தே கனிந்தநறுங் கனியே
மேலையிலே இம்மையிலே ஒருமையிலே தவத்தால்
மேவுகின்ற பெரும்பயனாம் விளைவைஎலாம் தருமச்
சாலையிலே ஒருபகலில் தந்ததனிப் பதியே
சமரசசன் மார்க்கசங்கத் தலைஅமர்ந்த நிதியே
மாலையிலே சிறந்தமொழி மாலைஅணிந் தாடும்
மாநடத்தென் அரசேனே மாலையும்ஏற் றருளே.

சத்தியஞானசபை தரிசிப்போம்.

இன்று தொடங்கியிங்கே எம்பெருமான் எந்நாளும்
நன்று துலங்க நடப்புரிவான் - என்றுமென்சொல்
சத்தியம்என் றெண்ணிச் சகத்தீர் அடைமின்கள்
நித்தியம்பெற் றுய்யலாம் நீர்.

தெளிவான வழிப்பாடு தெய்வமாக்கும்.

தெய்வங்கள் பலபல சிந்தைசெய் வாரும்
சேர்கதி பலபல செப்புகின் றாரும்
பொய்வந்த கலைபல புகன்றிடு வாரும்
பொய்ச்சம யாதியை மெச்சுகின் றாரும்
மெய்வந்த திருவருள் விளக்கம்ஒன் றில்லார்
மேல்விளை வறிகிலர் வீண்கழிக் கின்றார்
எய்வந்த துன்பொழித் தவர்க்கறி வருள்வீர்
எனைப்பள்ளி எழுப்பிமெய் இன்பந்தந் தீரே.

திருச்சிற்றம்பலம்

பசிபிணி நீக்கம் கடவுளை காட்டும்.

வட்டிமேல் வட்டிகொள் மார்க்கத்தில் நின்றீர்

 வட்டியை வளர்க்கின்ற மார்க்கத்தை அறியீர் 

பெட்டிமேல் பெட்டிவைத் தாள்கின்றீர் வயிற்றுப்

 பெட்டியை நிரப்பிக்கொண் டொட்டியுள் இருந்தீர் 

பட்டினி கிடப்பாரைப் பார்க்கவும் நேரீர் 

பழங்கஞ்சி ஆயினும் வழங்கவும் நினையீர் 

எட்டிபோல் வாழ்கின்றீர் கொட்டிபோல் கிளைத்தீர் 

எத்துணை கொள்கின்றீர் பித்துல கீரே.

நெறிஉணர்ந்து மகிழ்வோம்

முக்கனி சுவை சுவைப்போம்.

தாயாகித் தந்தையுமாய்த் தாங்குகின்ற தெய்வம் 

தன்னைநிகர் இல்லாத தனித்தலைமைத் தெய்வம் 

வாயார வாழ்த்துகின்றோர் மனத்தமர்ந்த தெய்வம் 

மலரடிஎன் சென்னிமிசை வைத்தபெருந் தெய்வம்

 காயாது கனியாகிக் கலந்தினிக்குந் தெய்வம்

 கருணைநிதித் தெய்வம்முற்றுங் காட்டுவிக்குந் தெய்வம்

 சேயாக எனைவளர்க்குந் தெய்வமகா தெய்வம்

 சிற்சபையில் ஆடுகின்ற தெய்வமதே தெய்வம்.

தனிஅருள்நெறி துவக்கம் கருங்குழி

நாடல்செய் கின்றேன் அருட்பெருஞ் சோதி நாதனை என்உளே கண்டு
கூடல்செய் கின்றேன் எண்ணிய எல்லாம் கூடிடக் குலவிஇன் புருவாய்
ஆடல்செய் கின்றேன் சித்தெலாம் வல்லான் அம்பலம் தன்னையே குறித்துப்
பாடல்செய் கின்றேன் எனக்கிது போதும் பண்ணிய தவம்பலித் ததுவே.

புலால் உணவு தவிர்தல்

துண்ணெனக் கொடியோர் பிறவுயிர் கொல்லத் தொடங்கிய போதெலாம் பயந்தேன்
கண்ணினால் ஐயோ பிறஉயிர் பதைக்கக் கண்டகா லத்திலும் பதைத்தேன் 

மண்ணினில் வலையும் தூண்டிலும் கண்ணி வகைகளும் கண்டபோ தெல்லாம்
எண்ணிஎன் உள்ளம் நடுங்கிய நடுக்கம் எந்தைநின் திருவுளம் அறியும்.

தந்தை சொல் மந்திரம்

வள்ளல்இவ் வுலகில் தந்தையர் வெறுப்ப மக்கள்தாம் ஒருக்கத்தை மறந்தே
கள்ளருந் துதல்சூ தாடுதல் காமக் கடைதொறும் மயங்குதல் பொய்யே
விள்ளுதல் புரிவார் ஐயகோ அடியேன் மெய்யநின் திருப்பணி விடுத்தே
எள்ளிஅவ் வாறுபுரிந்ததொன் றுண்டோ எந்தைநின் ஆணைநான் அறியேன்.

பேராசையினால் வரும் விளைவு

பண்ணாத தீமைகள் பண்ணுகின் றீரே 

 பகராத வன்மொழி பகருகின் றீரே

 நண்ணாத தீயின நண்ணுகின் றீரே

 நடவாத நடத்தைகள் நடக்கவந் தீரே

 கண்ணாகக் காக்கின்ற கருத்தனை நினைந்தே

 கண்ணார நீர்விட்டுக் கருதறி யீரே

 எண்ணாத தெண்ணவும் நேரும்ஒர் காலம்

 எத்துணை கொள்கின்றீர் பித்துல கீரே.

 திருச்சிற்றம்பலம்

அறியாமை நீக்கிடும் ஒளி

அருட்பெருங் கடலே என்னை ஆண்டசற் குருவே ஞானப் 

பொருட்பெருஞ் சபையில் ஆடும் பூரண வாழ்வே நாயேன்

 மருட்பெரு மாயை முற்றும் மடிந்தன வினைக ளோடே

 இருட்பெருந் தடையை நீக்கி இரவியும் எழுந்த தன்றே.

திருஅருள்உதயம் மருதூர்

என்னையும் இரக்கந் தன்னையும் ஒன்றாய் இருக்கவே இசைவித் திவ்வுலகில்
மன்னிவாழ் வுறவே வருவித்த கருணை வள்ளல்நீ நினக்கிது விடயம் 

பன்னல்என் அடியேன் ஆயினும் பிள்ளைப் பாங்கினால் உரைக்கின்றேன் எந்தாய் 

இன்னவா றெனநீ சொன்னவா றியற்றா திருந்ததோர் இறையும்இங் கிலையே.

அறியாமை நீக்கம்

நன்நெறிகட்டுரைகள்

மனித வாழ்வை சிறப்பாக்குவோம்

சுத்த சன்மார்க்க ஒழுக்க நெறியும் பயனும்

நன்நெறிவிடியோ

வடலூர் தரிசனம் வாழ்வை வளமாக்கும்

சிவயோக நிலை (கதவைத் திறந்தல்) திருஅருட்பா

கருணை உத்தமர் கடவுளானார் 

மனிதபிறவியின் செயலும் பயனும்

சத்தியஞானசபை தரிசிப்போம்.

தெளிவான வழிப்பாடு தெய்வமாக்கும்.

பசிபிணி நீக்கம் கடவுளை காட்டும்.

முக்கனி சுவை சுவைப்போம்.

தனிஅருள்நெறி துவக்கம் கருங்குழி

புலால் உணவு தவிர்தல்

தந்தை சொல் மந்திரம்

பேராசையினால் வரும் விளைவு

அறியாமை நீக்கிடும் ஒளி

திருஅருள்உதயம் மருதூர்

 

 

 

 

 

 

 

 

பொன்மொழிகள்

நெறிஉணர்ந்து மகிழ்வோம்

அறியாமை நீக்கம்

வாழ்வின்அடிப்படைநெறி

நன்நெறி களஞ்சியம் புலால் தவிர்தல்

மகன் தந்தைக்கு ஆற்றும் உதவி

நித்தியஇன்பம்.

 

 

நன்நெறிவெப்சைட்கள்

www.thiruarutpa.org

www.vallalarspace.org

www.vallalar.org 

நித்தியஇன்பம்.

மகன் தந்தைக்கு ஆற்றும் உதவி

நன்நெறி களஞ்சியம் புலால் தவிர்தல்

மனித வாழ்வை சிறப்பாக்குவோம்

 அருட்பெருஞ்ஜோதி துணை

எல்லா உயிர்களும் இன்புற்று வாழ்க  

      நாம் எதோ சிற்றின்பமான  வாழ்க்கை வாழ்ந்து விட்டு இறந்துவிடவா இந்த விலை மதிப்பு இல்லா மனிததேகம் இறைவனின் கருணையினால் அருளப்பட்டு இருக்கும்?

இல்லை, இல்லவேஇல்லை, நம்உலகில் உள்ள எல்லோரும் ஒற்றுமையுடன் வாழ்ந்து மற்றவர்களின் சந்தோசத்தில்தான் சந்தோசம் கண்டு ஆனந்தத்துடன் அமைதி நிறைந்து நீதியுடன் கருணையுடன் ஒழுக்கமே உயிராய் வாழ்ந்து  இறைவனின்அன்பு பெற்று இறைவன்மயம்மாகி பேரானந்தத்தில் வாழவே இம்மனிததேகம் கடவுள்அருளால் கிடைக்கப்பட்டுள்ளது.

நாம் இப்படியா வாழ்கின்றோம்?

 இல்லை, அயோபாவம் ஒழுக்கம், கருணையற்று, சுயநலம் நிறைந்து, அறத்துக்கு புறப்பான மிகமிக மட்டமான துர்குணங்களை நிறைப்பி பல உயிர்களுக்கு துன்பமே விளைவிக்கும் படுகேவலமான செயல்கள் செய்து பாவங்களை பெருக்கி வாழ்கின்றோம் (வேண்டாம்  ஆபத்தும், துன்பமும், வினையும் தரும் சிறுமைவாழ்க்கை )
இதற்கு தெளிவு?

சாதாரணமான 3 அறிவு உள்ள தேன்ஈ பாருங்கள் எவ்வளவு ஆழகாக ஆயிரம் ஆயிரம் கணக்கில் ஒற்றுமையுடன் அதற்க்கு இருக்கும் வேலையினை ஒழுக்காக செய்து சுறுசுறுப்புடன் சந்தோசத்துடன் உணவினை பகிர்ந்து உண்பதை, (என்னஅற்புதம்.)

உயர்ந்த 6 அறிவு இருந்தும் சுயநலமனிதனாகி அதன் உணவினைஉண்ண அதன் உயிரை அழித்து அபகரிக்கும் தவறான செயலையும் ஒப்பிட்டுபாருங்கள், யார் உயர்ந்த நிலையில் இருக்கின்றோம் என்று, ஆறுஅறிவுஆன நாமா? அல்லது, 3 அறிவு உள்ள தனக்கு கடவுள் கொடுத்த ஆற்றலுடன் சந்தோசமாக வாழும் தேன்ஈயா?

எனவே, நாம் இதை புரிந்தாவது, இன்று முதல் ஒழுக்கநிரம்பிக் போது நலத்துடன் வாழ்வோம். இந்தநெறியில் வாழ்ந்தால் நம் உரிமை நாயகன் அருட்பெருஞ்ஜோதியின் அருளைப்பெற்று எல்லா இன்பமும் அடைந்து பின் இறைவன் மயம்மாகிட முடியும் என்ற லட்சியத்தில் வாழ்வோம்.

                                             எல்லா நன்மையும் இறைவன் தருவர்
                                                                 திருச்சிற்றம்பலம்

வாழ்வின்அடிப்படைநெறி

சுத்த சன்மார்க்க ஒழுக்க நெறியும் பயனும்

எல்லா உயிர்களும் இன்புற்று வாழ்க

      பிரபஞ்சம் எல்லாம் ஒர் வடிவமாய்க் கொண்டருளிய அட்டமூர்த்திகளும் ருபாருபமாகிய சதாசிவமும் அவர்செய்யும் ஐந்தொழில்களும் சுதந்திர இச்சையால் திருமேனி கொண்ட உருவமாகிய மகேசுரவடிவமும், இவ்வடிவங்களை வழிபடுவோர்க்கு இவரால் கொடுக்கப்படும் பதப்பிரயோசனகளும், இவ்வடிவங்கள் எல்லாம் கடந்து ஆன்மபோதத்தால் சுட்டி அறிதற்கு அரியஅரூபமாகிய பரிபூரணசொரூபமும், சுட்டி அறியும்படி எழுந்தருளிவந்த குரு வடிவமும், வீடு அடையும் நெறியாகக் கூறிய உபாயங்களும், தவத்தில் தோன்றுபவனும், ஆன்ம போதம் ஒழிப்பில் தோன்றும் ஆனந்தமும், அதனை அறிந்து அதனுள் கலந்துவிடும் அத்துவிதமும், இங்ஙனம் கலப்பதற்கு முன் தோன்றும் துவிதமும் ஆகிய இவை அத்தனையும் அருட்பெருஞ்ஜோதியின் அருட்சத்தியால் உண்டாகியதும், அனுபவிப்பதும் ஆகும்.

மேலும் அவர் இயற்கை உண்மையரென்றும் இயற்கை அறிவினரென்றும், இயற்கை இன்பினரென்றும், நிர்க்குணரென்றும், சிற்குணரென்றும் நித்தியரென்றும் சத்தியரென்றும், ஏகரென்றும், அநேகரென்றும், ஆதியரென்றும், அனாதிய ரென்றும், அமலரென்றும், அற்புதரென்றும், நிரதிசயரென்றும், எல்லாமானவரென்றும், எல்லாமுடையவரென்றும், எல்லாம் வல்லவரென்றும், எல்லா அண்டங்களையும், எல்லா உலகங்களையும், எல்லாப்பதங்களையும் எல்லாச் சத்திகளையும், எல்லாச்சத்தர்களையும், எல்லாக் கலைகளையும், எல்லாப் பொருள்களையும், எல்லாத்தத்துவங்களையும், எல்லாதத்துவிகளையும், எல்லா உயிர்களையும், எல்லாச் செயல்களையும், எல்லா இச்சைகளையும், எல்லாஞானங்களையும், எல்லாப் பயன்களையும், எல்லா அனுபவங்களையும் மற்றெல்லாவற்றையும் தனது திருவருட் சத்தியால் தோற்றுவித்தல், வாழ்வித்தல், குற்றம் நீக்குவித்தல், பக்குவம்வருவித்தல், விளக்கம்செய்வித்தல் முதலிய பெருங்கருணைப் பெரும் தொழில்களை (முதல் காரணமாயும், நிமித்த காரணமாயும், துணைக்காரணமாயும்) இயற்றுவிக்கின்ற அருட்பெருஞ்ஜோதியர் ஒருவாற்றானும் ஒப்புயர்வில்லாத தனிப்பெருங்கருனை நிறைந்தவரை நாம் அனைவரும் சத்திய அறிவால் அகம்புறம் முதலிய எவ்விடத்தும் நீக்கமின்றி நிறைந்து சுத்த மெய்யறிவென்னும் பூரணப் பொதுவெளியில்,

காண்பார் காணுமிடம் காணப்படுமிடம்,

அறிவார் அறியுமிடம் அறியப்படுமிடம்,

தூண்டுவார் தூண்டுமிடம் தூண்டப்படுமிடம்,

சுவைப்பார் சுவைக்குமிடம் சுவைக்கப்படுமிடம்,

அனுபவிப்பார் அனுபவிக்குமிடம் அனுபவிக்கப்படுமிடம்,

கருதுவார் கருதுமிடம் கருதப்படுமிடம்,

முகருவார் முகருமிடம் முகரப்படுமிடம்,

கேட்பார் கேட்குமிடம் கேட்கப்படுமிடம் முதலியவாய் விளங்குகின்றார் நம்அருட்பெஞ்ஜோதி ஆண்டவர்.

மேலும் நாம் எவ்விதத்தும் அறிதற்கரிய உண்மைப்பேரறிவை அறிவித்தும், நாம் எவ்விதத்தும் காண்பதற்கரிய உண்மைப் பெருங்காட்சிகளைக் காட்டுவித்தும், நாம் எவ்விதத்தும் செய்தற்கரிய உண்மைப் பெருஞ்செயல்களை செய்வித்தும், நாம் எவ்விதத்தும் அடைதற்கரிய உண்மைப் பெரும்நன்மைகளை அடைவித்தும், நாம் எவ்விதத்தும் அனுபவித்தற்கரிய உண்மைப் பேரனுபவங்களை அனுபவித்தும், மேலும் எல்லாத் தத்துவங்களையும் எல்லாத்தத்துவிகளையும் தோற்றுவித்தலும், மயக்குவித்தலும், தெளிவித்தலுமாகிய தொழில்களை எளிதில் கொடுத்தற்குரிய பூரண ஞான சுகானுபவ  சொரூப சாத்தியர்களாய் எக்காலத்தும், எவ்விடத்தும், எவ்விதத்தும் தடைபடாதநித்திய சுத்த பிரணவ ஞானதேகங்களைப் பெற்று பூதசித்தி, கரணசித்தி, இந்திரியசித்தி குணசித்தி, பிரகிருதிசித்தி, காலசித்தி கலாசித்தி. விசுவசித்தி, வியோமசித்தி, பிரமசித்தி, சிவசித்திமுதலிய பிண்டசித்தி, அண்டசித்தி, பகிரண்டசித்தி, அண்டாண்டசித்தி என்கின்ற அந்தரங்க பகிரங்க தத்துவ தத்துவிசித்தி, அடிநிலைக்கரும ஞானசித்தி, முடிநிலை கருமஞாணசித்தி, அடிநிலை யோக ஞானசித்தி, முடிநிலை யோகஞானசித்தி அடிநிலைத் தத்துவ ஞானசித்தி, முடிநிலைதத்துவ ஞானசித்தி, அடிநிலை ஆன்மஞானசித்தி, முடிநிலை ஆன்ம ஞானசித்தி, சுத்த ஞானசித்தி சமரச சுத்த ஞானசித்தி முதலிய சித்திகளை எல்லாம் பெற்று இத்தேகத்தையே நித்திய தேகமாக்கி எக்காலத்தும் அழியாத பேரின்ப சித்திப் பெரு வாழ்வில் வாழவே மிக உயரறிவுடைய இம்மனிததேகத்தில் செலுத்தியருளியுள்ளார் நம் அருட்பெருஞ்ஜோதி ஆண்டவர், மிகமிகப்பெருங்கருணை நிறைந்து விளங்குகின்ற ஒருவர் ஆகிய கடவுளை நாம் அனைவரும் அறிந்து அன்புசெய்து அருளை அடைந்து அழிவில்லாத சத்திய சுக பூரணப் பெருவாழ்வைப் பெற்று வாழ்வோம்மாக.

இவைகளை பெறுவதற்கு தடைகளான பலவேறுகற்பனைகள், பலவேறு சமயங்கள், பலவேறு மதங்கள், பலவேறு மார்க்கங்கள், பலவேறு லட்சியங்கள் கொண்டு பலபட விரிந்த வேதங்கள், ஆகமங்கள், புராணங்கள், சாத்திரங்கள் முதலிய கலைகளெல்லாம் கடந்து, 

உலகியற்கண் பொன்விஷயஇச்சை,

பெண்விஷயஇச்சை,

மண்விஷய இச்சை,

முதலிய எவ்விஷய இச்சைகளிலும் அருள்நெறிக்கு புறம்பாக செல்லாது நம்அறிவை ஒர்அணுத்துணையும் பற்றுவிக்காமல் உண்மையறிவு, உண்மைஅன்பு, உண்மையிரக்கம், நல்ஒழுக்கம், அடக்கம், பணிவு, பொறுமை, வாய்மை தூய்மை, புறங்கூறாமை, பொய்சொல்லாமை, கொட்சொல்லாமை, உண்மை உரைத்தல், இன்சொல்லாடல், திரிகரண அடக்கம், கடவுள் பக்தி, நன்மை உண்டாக நினைத்தல், பொறாமை அடையாதிருத்தல், அன்னியர் சொத்தைத் தனதாக்க எண்ணாதிருத்தல், தனது மனைவி தவிர அன்னியமான பெண்களைத் தாய்யாகவும் சகோதரியாகவும் சிந்தித்தல், மேலும் திருஅருட்பா, திருவாசகம், திருமந்திரம் முதலிய ஞான நூல்களை தோத்திரம் செய்தல், அன்னியர்களுக்குத் தீங்குசெய்யாது நன்மை உண்டகும்படி நடத்தல், எக்காரணத்துக்கொண்டும் பாவ காரியங்களை எப்போழுதும் செய்யக்கூடாது என்ற உறுதியும் வைராக்கியமும் கொண்டு பாவிகளுடைய கூட்டத்தில் பழகாமல், திருவருளேதுணையாக கொண்டு,

இந்திரிய ஓழுக்கங்களான, கொடிய வார்த்தை முதலியவை நாடாமலும் செவிபுகாமலும் நிற்றல், நாதம் முதலிய ஸ்தோத்தரங்களை அதிசயிக்காமல் உற்றுக்கேட்டல், மற்றவைகளைக் கேளாதிருத்தல், அசுத்தங்களைத் தீண்டாதிருத்தல், கொடூரமானவற்றைக் கேளாதிருத்தல், பாராதிருத்தல், ருசியின் மேல் விருப்பமில்லாதிருத்தல், சுகந்தம் விருப்பமில்லாமல் அனுபவித்தல், இனிய வார்த்தையாடுதல், பொய் சொல்லாதிருத்தல், ஜீவர்களுக்கு இம்சை நேரிடும் காலத்தில் அதை எந்தவிதத்  தந்திரத்திலாவது தடைசெய்தல், பெரியோர்கள் எழுந்தருளியிருக்கும் இடத்திற்குச் செல்லுதல், உயிர்களுக்கு உபகார நிமித்தம் சஞ்சரித்தல், உயிர்களுக்கு மனத்தாலும், வாக்காலும், சரீரத்தாலும், தனத்தாலும் தன்சத்தியின்அளவு மீறாமலும் உபகரித்தல், மல ஜலாதி உபாதி அடக்காமலும், முழுமையாகவும் நீக்குதல்; மேலும்,  

கரண ஓழுக்கங்களான, உண்மையான கடவுள் ஒருவரே என்று சத்திய சங்கல்பம் கொள்ளல், சிற்சபையின்கண் மனஞ்செல்லுவது தவிர, வேறு எந்தவகை ஆபாசத்திலும் செல்லாமல் அதை இழுத்து மேற்குறித்த இடத்தில், அதாவது. கடவுளிடத்தில் நிறுத்துவது, பிறர்குற்றம் விசாரியாது இருத்தல், தன்னை மதியாதிருத்தல், செயற்கைக்குணங்கள் உண்டாகிய கெடுதிகளை நீக்கி இயற்கையாகிய சத்துவமயமாக நிற்றல், பிறர்மேல் கோபியாது இருத்தல், தனது சத்துருக்களாகிய தத்துவங்கள் நெறிதவற முற்படும்போது தடுத்தல், அக்கிரம அதிக்கிரமப் புணர்ச்சி செய்யாதிருத்தல்; மேலும்,

ஜீவ ஓழுக்கங்களான, எல்லா மனிதரிடத்தும் (ஆண் பெண் அலி) ஜாதி, சமயம், மதம், ஆசிரமம், கோத்திரம், சூத்திரம், குலம், சாத்திரம், தேசம், உயர்வு, தாழ்வு, முதலிய பேதமற்றுத் தானாக நிற்றல்; மேலும்,

ஆன்ம ஓழுக்கங்களான எண்பத்து நான்கு நூறாயிரம் யோனிபேதமுள்ள ஜீவர்களிடத்திலும் இரக்கம்வைத்து, ஆன்மாவே சபையாகவும் அதனுள்ளொளியே பதியாகவும் கண்டு கலந்து பூரணமாக நிற்றல்; மேலும்,

இடம் தனித்திருத்தல்,
இச்சை இன்றி நுகர்தல்,
ஜெப - தபம் செய்தல்,
தெய்வம் பராவல்,
பிறஉயிர்க்கு இரங்கல்,
பெருங்குணம் பற்றல்,
பாடி பணிதல்,
பக்தி செய்திருத்தல்,

காலம்தாழ்த்தாது எல்லா உயிரையும் தன் உயிராக கருதி அவ்வுயிரின் துன்பத்தை சிந்தையாலும், பேச்சாலும், தேகத்தாலும், திரவித்தாலும் உபகாரம் செய்தல் முதலிய நற்செய்கைகள் பழகி பழகி அருட்பெருஞ்ஜோதி ஆண்டவரையும், அவரின் திருவருளை பெற்றுதரும் திருமந்திரமான,

அருட்பெருஞ்ஜோதி அருட்பெருஞ்ஜோதி
தனிப்பெருங்கருணை அருட்பெருஞ்ஜோதி

என்னும் மகாமந்திரத்தையும் சிந்தித்துக் கொண்டிருப்போம்மாக, எப்படிஎனில் உடல் குழைய உள்ளங்குளிர ஆனந்தக் கண்ணீர்கொண்டு பரவசத்துடன் இறைவனை இப்பிறவியிலே தரிசிக்கப் பெறுவோம் என்ற நம்பிக்கையுடன் கருணைநன்முயற்சிக் கொண்டு வைராக்கியத்தோடு சமரச சுத்த சன்மார்க்கத் சத்திய தனிநெறி ஒன்றையே நமது உரிமை எனக்கொண்டு ஒருசிறிதும் அஞ்சாது அருட்பெருஞ்ஜோதியேதுணை எனகருதி சாகா கல்விப் பயிற்சியை (மரணமில்லாபெருவாழ்வை) அடைய இவ்ஒழுக்கநெறிகளை செயல்பாட்டில் கடைபிடித்து பெரும்நன்மை அடைய பயில்வோமாக.

எல்லா நன்மையும் நம் இறைவர்தருவார்நமக்கு.
திருச்சிற்றம்பலம்.

திருஅருட்பாவில் உணர்ந்து கொண்ட வரைப்பட நெறிகள்...

எல்லா உயிர்களும் இன்புற்று வாழ்க

 

  மனிததேகம் மாத்திரமே முதல் சிருஷ்டி தொடங்கி கடவுள் சம்மதத்தால் சிருஷ்டிக்கப்பட்ட உயர்ந்த அறிவையுடைய தேகம் ஆகும். இந்ததேகத்தில் ஆன்ம விளக்கமும் அருள்விளக்கமும் மிகவும் விளங்குகின்றது.

 எனவே, இம்மனிததேகத்தை நன்கு பயன்படுத்தி ஒழுக்கம் நிரம்பிக், கருணையே வடிவாக ஜீவகாருணியநெறியில் நடந்து பெருங்களிப்புடன் எக்காலத்தும் எவ்விடத்தும்  தடைபடாத சத்திய சுகபூரணப் பெருவாழ்வு என்னும் பேரின்பசித்திப் பெருவாழ்வில் வாழ்வோமாக.

 

வரைப்படம் தொடரும்.........